HINIMOK ni Department of the Interior and Local Government (DILG) Secretary Benjamin ‘Benhur’ Abalos, Jr. ang 42,046 barangay captain ng bansa na kumbinsihin ang kanilang mga nasasakupan na ganap na mabakunahan at makatanggap ng mga booster shot laban sa COVID-19.
Ginawa niya ang panawagan dahil ang mga bakuna sa COVID-19 at booster shot ay magagamit sa pagsasagawa sa mga araw ng pagpupulong ng barangay para sa ikalawang semestre ng 2022 na naka-iskedyul sa anumang araw sa katapusan ng linggo ng Oktubre.
Ayon kay Abalos nanawagan siya sa mga punong barangay at iba pang opisyal na tuparin ang kanilang mandato at magsagawa ng Barangay Assembly Days.
Dagdag pa nito na gamitin ng mga barangay ang pagkakataong ito para makipag-usap sa kanilang mga nasasakupan at hikayatin silang mabakunahan at mapalakas laban sa COVID-19.
