IKINOKONSIDERA ng Commission on Higher Education (CHED) na magkaroon ng academic collaboration sa pagitan ng mga unibersidad sa Turkiye.
Sinabi ito ni CHED Chairman Prospero de Vera sa ginanap na 9th Annual Eurasia Higher Education Summit-EURIE 2024 sa Istanbul.
Alinsunod rin naman aniya ito sa utos ni Pangulong Ferdinand R. Marcos Jr. na paunlarin ang higher education institutions ng bansa sa larangan ng agrikultura, medicine and health allied sciences at science and technology.
Kamakailan lang din ay ipinag-utos ni Pangulong Marcos na magkaisa ang Department of Labor and Employment (DOLE), Technical Education Skills Development Authority (TESDA), Department of Education (DepEd), at CHED para mapalakas ang employability rate ng senior high school graduates.
Kung matatandaan, batay sa record ng Philippine Institute for Development Studies, 20% lang sa mga nakapagtapos ng senior high school ang nakakapasok ng trabaho.
