WARRANT laban kay Russian President Vladimir Putin, walang kapangyarihan ang International Criminal Court (ICC).
Komento ito ni Atty. Harry Roque matapos iniuugnay na naman ng mga taga-oposisyon ang arrest warrant ni Putin kay dating Pangulong Rodrigo Roa Duterte at sa drug war campaign defenders.
Anila, maging “warning” sana ito na hindi nga natutulog ang global community sa war crimes, genocide at crimes against humanity ng anumang bansa.
Nakasisiguro naman si Roque na kahit bumiyahe si dating Pangulong Duterte sa Japan, ang tanging malakas na Asian country na kasapi ng ICC ay hindi ito ipapaaresto.
Sa patakaran ng ICC, maaaring ipaaresto ng member countries ang sinumang ‘wanted’ ng ICC.
Kaugnay rito, inihayag ni Roque na hindi niya masyadong nagustuhan ang mga apela na ginagawa ni Solicitor General Menardo Guevarra laban sa kagustuhan ng ICC na imbestigahan ang ‘drug war campaign’ dahil walang kapangyarihan ang naturang korte sa Pilipinas.
