NARARAPAT na Certified Medical First Responders and Emergency Medical Technicians ang mga personnel ng Bureau of Fire Protection (BFP).
Inirerekomenda ito ng House Committee on Public Order and Safety sa ilalim ng House Bill No. 6512.
Sa ilalim ng panukala, magtatalaga ang BFP Regional Director ng bawat fire station ng kahit isang uniformed personnel bawat shift na magsisilbi bilang emergency medical technician.
Ito rin ang mag-momonitor sa fire officers tuwing may medical emergencies.
Ang emergency medical technicians ay dapat sumailalim sa pagsasanay at Certified Pre-Hospital Emergency Care Provider kung saan kaya nitong magsagawa ng extensive pre-hospital care, endotracheal intubations, at cardiopulmonary resuscitation.
Ang mga bagong naitalagang fire officer ay sasailalim sa fire basic recruit course.
Ang mga BFP personnel ay may palugit na 5 taon para makakuha ng minimum certificate requirement bilang medical first responders.
Layunin ng naturang panukala ang maamyendahan ang BFP Modernization Law.
