MULING magpapatupad ng price hike ang mga kumpanya ng langis simula bukas, araw ng Martes.
Abiso ng Pilipinas Shell at Seaoil, nasa P 3.00 ang taas-presyo sa kada litro ng kanilang gasolina.
Nasa P 4.10 naman ang dagdag-singil sa kada litro ng kanilang diesel habang P 3.50 sa kada litro ng kanilang kerosene.
May kapareho ring price hike sa gasolina at diesel ang Cleanfuel.
Pawang epektibo ang price adjustment ng alas 6 ng umaga bukas maliban sa Cleanfuel na alas 8:01 ng umaga.
Ito na ang ikalawang sunod na linggo na may price hike ang oil companies.
