NAGKAROON ng exit call si Civil Relations Service Armed Forces of the Philippines (CRSAFP) commander Major General Manuel Sequitin kay Philippine Navy flag-officer-in-command Vice Admiral Adeluis Bordado.
Sa kanyang pagdating sa headquarters ng Philippine Navy sa lungsod ng Maynila ay binigyan siya ng arrival honors.
Si Sequitin ay nakatakdang magretiro sa serbisyo sa militar sa Agosto 19.
Nagsimula sa kanyang paglilingkod sa militar noong 1989 bilang isang commissioned second lieutenant.
Nakatanggap din si Sequitin ng apat na distinguished service stars kabilang ang distinguished service medal, bronze cross medal, silver wing medal, at honor graduate award, bukod pa sa ibang natatanging pagkilala.
