COMELEC, kumpiyansang magiging mapayapa ang BSKE sa EMBO barangays

COMELEC, kumpiyansang magiging mapayapa ang BSKE sa EMBO barangays

KUMPIYANSA ang Commission on Elections (COMELEC) na magiging mapayapa ang pagdaraos ng Barangay at Sangguniang Kabataan Elections (BSKE) sa 10 EMBO barangays sa Oktubre 30.

Ito ang iginiit ni COMELEC chairman George Garcia lalo’t magkakatuwang nila sa pagpapatupad ng seguridad ang Philippine National Police (PNP) at Armed Forces of the Philippines (AFP).

Ayon kay Garcia, nagbigay na ng direktiba ang Department of Interior and Local Government (DILG) sa PNP na makipagtulungan sa COMELEC sa pagpapatupad ng desisyon na kumikilala sa 10 barangay na dating nasa Makati LGU at ngayon ay nasa ilalim na ng Taguig LGU.

Kasabay nito, puspusan ang paghahanda ng COMELEC kung saan sinimulan na ang reprinting ng mahigit 300,000 balota na gagamitin sa Pembo, Comembo, Cembo, South Cembo, West Rembo, East Rembo, Pitogo, Rizal, Northside at Southside.

Mangyayari ang paghahain ng certificate of candidacy (COC) ng mga kakandidato sa EMBO barangays sa Convention Center ng Taguig City sa Agosto 28 hanggang Setyembre 2.

Muling ipinaalala ng COMELEC na hindi magbabago ang voting precinct ng mga residente sa EMBO barangays.

 

Follow SMNI NEWS on Twitter

Follow SMNI NEWS on Rumble