NAGKAROON ng exit call si South Korea Defense Attaché Lieutenant Colonel Bae Joong Hoon kay Philippine Navy flag-officer-in-command Vice Admiral Adeluis Bordado sa Philippine Navy Headquarters sa lungsod ng Maynila.
Ito ay matapos ang tatlong taon na tour of duty sa bansa.
Kasabay nito, pormal na ipinasa ni Bae ang kanyang posisyon bilang Defense Attaché kay Lieutenant Colonel Jai-Suk Kim na nagkaroon din ng introductory call kay Bordado.
Tinalakay ng mga opisyal ang patuloy na pagtutulungan ng Pilipinas at South Korea sa pamamagitan ng enhanced security at defense efforts sa rehiyon, gayundin ang collaborative projects sa maritime domain.
Si Kim ay isang multi-decorated officer ng South Korea Marine Corps na nakatanggap ng dalawang Defense Minister Citations, gayundin ang citation sa kontribusyon sa Iraq Peace and Reconstruction Efforts ng Marine Corps.
