NAGKASUNDO ang Department of Environment and Natural Environment (DENR) at Philippine Coast Guard (PCG) sa pagpapalakas ng marine environment sa bansa.
Ang naturang kasunduan ay ginawa kasabay ng pagdiriwang ng World Ocean Day 2022 na may layuning tutukan at proteksyunan ang mga coastal at marine ecosystems.
At sa pamamagitan din ng partnership na ito ay magkakaroon ng magkasamang aktibidad at pagtutulungan sa water quality monitoring.
Kasama rin ang Enforcement of Wildlife Laws at Marine Research Expeditions sa loob ng Marine Protected Areas, West Philippine Sea, at Philippine Rise Marine Resource Reserve.
Samantala, ipatutupad din ng dalawang ahensya ng pamahalaan ang pinagsamang marine protection activities tulad ng coastal at underwater cleanups at intensified communication, education at public awareness activities.
