BUHOS ang pasasalamat ng DITO Telecommunity kay dating Pangulong Rodrigo R. Duterte.
Ayon kay DITO chief Administrative Officer Adel Tamano, sa Duterte administration lamang naisakatuparan ang pagbuwag sa TELCO duopoly sa bansa.
At sa pagpasok nila bilang third telco, sumigla ang kompetisyon ng mga telecommunications provider na dati ay sa pagitan lamang ng dalawang kompanya, ang Globe at Smart.
“The thrust of the Duterte administration only they could have done it na mag-push. Maglagay ng third telco because as we know, the two other telcos were every entrenched, very powerful, and you really needed the political will kasi kung wala yon, yung government support, we would not have been able to establish the third telco. So, salamat po, you were Presidential legal counsel that time,” pahayag ni Atty. Adel Tamano, Chief Administrative Officer, DITO Telecom.
Matatandaan na isinusulong ng Duterte administration na magkaroon ng third telco sa Pilipinas para magkaroon ng balanse sa pagitan ng mga ito.
Pero diin ni Tamano, hindi basta-basta ang business model na kanilang pinasok.
Kaya walang sumusugal na banggain ang dalawang naunang network dahil sa sobrang laki ng kailangang kapital.
“Kasi nga tulad ng sinabi ni Atty. Sal, mahal maglagay ng network. And that’s why it’s almost impossible to get a third telco and fourth telco because no one is going to spend P250-Billion tapos yung kita mo… 1 year ang kita namin P7.3 Billion di ba? Tapos ang gastos mo P250 Billion, it’s really tough. But again, we’re very confident na the market is there and once Filipinos try our service, actually sobrang mura naming and if you are in an area with good signal we’re actually very-very fast,” dagdag ni Tamano.
Dahil sa political will ng nagdaang administrasyon, malaki na ang improvement ng telco services sa bansa.
Ayon kay Tamano, isa ngayon ang Pilipinas sa may pinakamurang internet services sa buong mundo.
“When President Duterte and your office pushed this initiative no, at that time the Philippines was one of the most expensive in terms of telecommunication services and also the slowest. We were out of 182 countries pang-100 tayo. So that was in 2018. Fast forward to 2023, we are now actually one of the cheapest in the world in-terms of gigabytes. Sa DITO, siguro per gigabyte namin mga 15 pesos. One of the cheapest in the world,” aniya.
Nanindigan naman ang DITO na hindi sila hihinto sa operasyon.
Bagkus, patuloy nilang gagampanan ang sinumpaan nila sa pamahalaan na maging kaakibat tungo sa nation-building.
“Ginawa nilang requirement for us when we got our franchise is may minimum speed kami requirement, minimum coverage, and also the amount of money that we have to spend no. So, what we could have done if it’s just a normal company siguro nasa NCR lang kami kasi dito yung pera eh. But because government committed us to have those population coverage etc. we really had to do it. There’s really a nation-building element in our DNA if I can see it that way,” pagtatapos ni Tamano.
