BINUBUO ng mga Pilipinong personalidad ang Miss Universe Bahrain (MUB) board.
Kabilang dito ang aktres at beauty queen na si Kylie Verzosa na magsisilbing head of empowerment.
Ang host, TV personality at fashion icon na si Raymond Gutierrez, bilang fashion director.
Magiging head of innovation naman ang serial entrepreneur na si Lorenzo Vega at senior executive consultant naman ang TV Executive at Film Producer na si Joey Abacan.
Artistic director ang award-winning filmmaker na si Director Brillante Mendoza at si Evlin Abdulla Khalifa ang head of culture.
Ang Miss Universe Bahrain Organization ay pinangungunahan ng Dubai Based Agency na Yugen Group.
Gagawin naman ang pre-production ng taunang show ng Miss Universe Bahrain tuwing Mayo.
