KINUMPIRMA ng Kamara na kahapon, Huwebes, March 9 ang expiration ng travel authority na inisyu nila kay Negros Oriental 3rd District Rep. Arnie Teves.
Ang travel clearance ay mula February 28 hanggang March 9 ngayong taon lamang.
Ang paalam ni Teves, personal trip papuntang U.S.
Ayon kay House Secretary General Reggie Velasco, wala pang paramdam sa kanila ang kongresista.
Lalo na’t itinuro itong mastermind sa pagpatay kay Negros Oriental Governor Roel Degamo.
“‘Pag personal travel kasi ini-issue lang namin yung travel authority without any explanation. Kasi pag-official, pag-official kasi their issued diplomatic passports so kailangan may mga invitation ganyan. Pero pag personal sinabi nila pupunta sila sa isang lugar na’to we just approve it. Parang ano lang yun ministerial lang sa amin eh. Hindi naman naming inuungkat anong gagawin mo dun kasi personal trip eh. So we are waiting for his return. Wala pang indication na babalik siya or anything,” pahayag ni Sec. Gen. Reggie Velasco.
Maaari pa naman daw na sumali sa sesyon si Teves sakaling hindi pa ito babalik sa bansa.
Lalo na’t hybrid session na ang kanilang trabaho sa Kamara.
Pero, mag-iiba na ang usapan ayon kay Sec. Gen. Velasco kapag may issuance na ng warrant of arrest.
“We are waiting for his communication na babalik na siya or sasagutin niya ‘tong cases na finile. Wala rin kasi kaming notification sa from DOJ that the warrant of arrest has been issued no? Usually we have furnished a copy of the warrant of arrest or whatever no or called for hearing mga ganyan kung hindi dumadating yung congressman sa mga hearings. Usually, nino-notify ang Office of the Secretary General or Office of the Speaker kung kailangan siyang mag-appear doon. So far, wala kaming nare-receive from DOJ about this murder cases that have been supposedly filed against him,” dagdag ni Sec. Gen. Velasco.
“Kasi kapag na-receive namin yun, then we communicate with him na there is a pending case sa iyo- you have to come back and appear in the hearings no,” ani Velasco.
Kampo ni Cong. Teves, handang harapin ang pagkakadawit sa Degamo Slay Case
Samantala, nananawagan naman ang kampo ni Teves sa lahat na maghinay-hinay sa pananalita at pagdawit sa kaniya sa pagkamatay ni Degamo.
Sa isang pahayag ni Atty. Ferdie Topacio, abogado ni Teves na ang pagkamatay ng gobernador ay nauna nang kinondena ng mambabatas.
At maigagawad lamang ang hustisya sa pamilya ng Degamo kung mapapanagot sa batas ang mga tunay na nasa likod ng pagpaslang.
Saad din ni Topacio na may presumption of innocence ang kaniyang kliyente.
“The killing has already been denounced strongly by Rep. Teves, who has denied involvement therein. It will not serve the ends of justice any by publicly obfuscating the issues prematurely before a thorough investigation in accordance with procedures provided for by law. Verily, justice can only be done to the victims if and when the real perpetrators are brought before the bar of justice and convicted with finality. In the meantime, all must be mindful of the fact that our Supreme Court itself has already said that accusation is not synonymous with guilt, and the Constitution guarantees to every person the presumption of innocence,” saad ni Atty. Ferdinand Topacio | Legal Counsel ni Cong. Teves.
Sa huli, tiniyak ng kampo ni Teves na haharapin nila ang lahat ng akusasyon sa Degamo slay case.
Sa pinakahuling video post ni Cong. Teves sa kanyang official FB page ay sinabi niya na siya ay nasa abroad para magpagamot.
