NAGHAIN ng counter-affidavit sa Department of Justice (DOJ) nitong Martes, Disyembre 3, 2024 ang kampo ni Atty. Harry Roque.
Ito’y para kontrahin ang walang basehang mga akusasyon nag Philippine National Police-Criminal Investigation and Detection Group (PNP-CIDG) at Presidential Anti-Organized Crime Commission (PAOCC) laban sa kaniya.
Kaugnay ito sa kaniyang qualified human trafficking case dahil sa POGO operations sa Porac, Pampanga.
Sa naturang counter-affidavit ay sinabi ni Roque na ang kinakaharap niyang human trafficking case ay bahagi lang ng political harassment na ginagawa ng Marcos Jr. administration laban sa mga kaalyado ni Dating Pangulong Rodrigo Roa Duterte na mga kritiko ng kasalukuyang gobyerno.
Muli ring itinanggi ng abogado na isa siyang legal officer, owner, presidente, partner, o kahit manager ng Lucky South 99, ang POGO na nag-ooperate sa Porac.
