MAS paiigtingin ng Department of Education (DepEd) ang pangangalaga sa kapakanan at seguridad ng mga mag-aaral sa mga paaralan.
Ito ay sa gitna ng paggunita ng National Awareness Week for the Prevention of Child Sexual Abuse and Exploitation mula Pebrero 7-13, 2023.
Ayon sa DepEd, inilunsad nila ang Learners Telesafe Contact Center Helpline na eksklusibong tumutugon sa mga concern ng mag-aaral, partikular sa usapin ng pang-aabuso.
Dagdag ng ahensya, handa ang Learners Telesafe Contact Center Helpline na tumugon at tumulong sa mga estudyante.
Para sa mga concern, maaaring makipag-ugnayan sa [email protected], https://facebook.com/deped.lrpo/, (02) 8632-1372, 0945-175-9777.
