IBANG kandidato sa pagka-pangulo ang susuportahan ni Albay Representative Joey Salceda na isa sa mga itinuturing na malapit na kaalyado ni Davao City Mayor at vice presidential candidate Inday Sara Duterte.
Una nang sinabi noon ni Salceda na tatakbo si Mayor Sara sa pagka-presidente subalit sa pagka-bise presidente ang tinakbuhan ng presidential daughter at nakipag-tandem kay presidential candidate Bongbong Marcos Jr.
BASAHIN: Pagiging studious at may puso ni Mayor Inday Sara, kailangan ng bansa —Salceda
Bilang ekonomista, sinabi ni Salceda na si Vice President Leni Robredo ang pinakamainam na maging pangulo.
“Definitely I endorse Leni not as a Bicolano but as an economist. She’s good for the economy, good for our future and I think the Philippines is in good hands under her leadership,” pahayag ni Salceda.
Hindi naman makapaniwala si Robredo sa endorsement ni Salceda dahil hindi naman daw sila magkapartido.
Ngunit ayon kay Salceda, si Robredo lamang raw sa lahat ng presidentiables ang may kredibilidad at handang magsakripisyo para sa bayan.
At wala raw bahid ng korupsiyon ang bise presidente.
“Sana mag-open siya ng floodgates na hindi na tingnan kung ano yung mga political affiliations kasi gaya kami iba naman yung mga partido namin,” pahayag naman ni Robredo.
