IPINANGAKO ni Filipino boxing champ Manny Pacquiao na hindi magiging madali para kay Korean YouTuber DK Yoo ang magiging laban nila sa Seoul, South Korea ngayong Disyembre.
Ito’y kahit ang layunin ng laban ay makalikom ng pera para maitulong sa mga pamilyang apektado ng digmaan sa pagitan ng Ukraine at Russia.
Aniya, gagawin niya pa rin ang nakasanayang training para maibigay niya ang kaniyang 100% sa ring.
Para na rin aniya makatulong pa siya sa mas maraming tao sa pamamagitan ng naturang boxing match.
Samantala, binigyang diin ni Pacquiao na pumayag siyang maglaro muli ng boxing dahil isa itong charity event.
Matatandaang Setyembre 2021 nang inanunsyo nito na magreretiro na siya sa boxing.
