WALANG naitala ang Department of Migrant Workers (DMW) na apektadong Pinoy dahil sa pagputok ng Mt. Ibu sa North Maluku Province, Indonesia.
Ayon sa Migrant Workers Office sa Singapore (MWO-SG) na siyang malapit na nakikipag-ugnayan sa Philippine Consulate General o PCG-Manado City, Indonesia, walang dayuhan ang nasugatan o nasawi.
Ipinangako naman ng MWO-SG at PCG-Manado na tutukan nila ang sitwasyon at patuloy na makikipag-ugnayan sa DMW hinggil sa anumang development.
Pumutok ang Mt. Ibu noong Mayo 18, 2024.