NAKAHANDA ang National Bureau of Investigation (NBI) para makipagtulungan sa Commission on Elections (COMELEC) kaugnay sa mga kontrobersiyang kinasasangkutan ngayon ni suspended Bamban, Tarlac Mayor Alice Guo.
Ito’y matapos na inatasan ni COMELEC Chairman George Erwin Garcia ang kanilang fact finding committee na makipag-ugnayan sa NBI, sa Solicitor General at sa Senado para sa mga ebidensiya laban kay Guo.
Kabilang naman sa tututukan ng kanilang komite na maimbistigahan ang lahat ng isyung kaugnay sa kandidatura ni Mayor Guo noong 2022.
Partikular na pinaiimbistigahan ay kung nagkaroon ba ng material misrepresentation sa certificate of candidacy ni Guo at kung may sapat na basehan para magsampa ng election offense.
