KINILALA bilang best actor ang beteranong si Noel Trinidad sa naganap na 39th Luna Awards.
Para ito sa kaniyang character sa drama film na “Family Matters”.
Nanalo naman bilang best actress si Heaven Peralejo para sa kaniyang pagganap sa pelikulang “Nanahimik ang Gabi”.
Sa kabilang banda, nakatanggap ng Fernando Poe Jr. Lifetime Achievement Award si Leo Martinez habang Posthumous Awardee ng Lamberto Avellana Memorial Award ang multi-awarded cinematographer na si Conrado Baltazar.
Naibigay naman ang Manuel de Leon Achievement Award kay National Artist for Film and Broadcast Arts Ricky Lee at natanggap din ni Sen. Imee Marcos ang Golden Reel Award para sa kaniyang pagiging director-general ng experimental cinema.
Ginanap ang 39th Luna Awards nitong Agosto 26 sa Quezon City.
