NANAWAGAN si Senate President Tito Sotto III sa Malacañang na ikonsidera ang pagsisimula ng oil exploration sa West Philippine Sea (WPS) bilang alternatibong tugon sa isyu sa pinagtatalunang karagatan.
Aniya, maaring gawin ito ng bansa sa ating economic zone para igiit ang ating pagkapanalo sa arbitral ruling ng United Nations at magkaroon ng karagdagang kita ang ating gobyerno.
Saad ni Sotto, hindi tayo pwedeng pagbawalan ng China kung gugustuhin ng bansa na i-explore ang mga natural at mineral resources sa EEZ dahil pagmamay-ari naman ito ng bansa.
“The public discourse over the WPS boils down to one thing: While the United Nations ruled in our favor, the ruling cannot be put in force because of the absence of an international body that would enforce it. But we can use this arbitral victory to our advantage,” pahayag ni Sotto.
Ayon pa kay Sotto, maaring gumawa ng proposals ang Department of Energy (DOE) para isagawa ang naturang aktibidad sa pinag-aagawang karagatan at makipagpartner sa mga private investors o maging sa ibang bansa.
“Huwag nating sayangin ang economic opportunity na available sa atin. Our government leaders should start scouting for investors who are willing to pour in funds to explore the rich aquatic resources in the area. There are oil and gas reserves and other natural resources in the depths of these waters,” ayon kay Sotto.
Maaari rin aniyang makipagpartner sa atin ang China kung gugustuhin ng mga ito pero 60/40 ang nararapat na hatian.
(BASAHIN: Pilipinas, kinikilala ang lakas ng China, pero hindi isusuko ang WPS —DND)
