PANSAMANTALANG suspendido ang operasyon ng Department of Foreign Affairs (DFA) Consular Office (CO) NCR West sa SM City Manila, bukas, Hunyo 30, 2022.
Ito ay alinsunod sa Executive Order No. 53, series of 2022 ng City of Manila na nagdedeklara sa Hunyo 30, 2022 bilang special non-working holiday sa lungsod.
Ang deklarasyon ay bunsod ng inagurasyon ni President-elect Ferdinand “Bongbong” Marcos sa National Museum of the Philippines bukas.
Ayon sa DFA, makatatanggap ng email mula sa CO NCR West ang mga apektadong aplikante na may confirmed appointment ng kanilang bagong appointment date.
Magbabalik ang operasyon ng nasabing consular office sa Biyernes, Hulyo 1, 2022.
