IBINIDA ng Philippine Air Force ang matagumpay na paglahok ng FA-50PH (Bulldog) ng 5th Fighter Wing sa Combined Joint Littoral Live Fire Exercise sa Navy Education, Training, Doctrine Command, Zambales.
Ang dalawang aircraft ay nagpakawala ng AGM-65 G2 Maverick missile na tumama sa PS-31 warship sa kasagsagan ng Sinking Exercise (SINKEX) phase.
Lumahok din sa pagsasanay ang
T-129 ATAK Helicopter at A-29B Super Tucano ng 15th Strike Wing.
Habang ang Hermes 900 UAV aircraft ang nagbigay ng situational awareness sa pamamagitan ng live feed.
Ayon kay Philippine Air Force Public Affairs Office chief Colonel Ma. Consuelo Castillo, ibinida sa live fire activity ang interoperability at combined strike capabilities ng iba’t ibang yunit ng Armed Forces of the Philippines (AFP) at kanilang US counterparts.
