AMINADO ang Department of Justice (DOJ) na nakakaalarma ang naganap na pamamaril sa backup vehicle ni Bureau of Corrections (BuCor) DG Gregorio Catapang Jr.
Ang naturang sasakyan ay ipinahiram ni Catapang kay Deputy Director General for Administration Atty. Al Perreras bilang service vehicle nito.
Gayunman, tiniyak ng DOJ na kahit may nangyaring insidente ng karahasan o pamamaril kahapon ay hindi nito mapipigil na ipagpatuloy ang mga nasimulang reporma sa Bilibid.
Sa kasalukuyan, nagpapatuloy ang malalimang imbestigasyon para matukoy ang salarin at motibo sa pamamaril.
