NAGHAHANDA na ang mga boluntaryo ng Pastor Apollo C. Quiboloy for Senator Movement para sa campaign rally ni senatorial candidate Pastor Apollo C. Quiboloy sa Brgy. Bakakeng, Baguio City.
Bukod kay Pastor Apollo, dadalo rin sa nasabing rally ang kapwa niya kandidato sa PDP-Laban slate na si Atty. Vic Rodriguez.
Nakatakda ring dumalo ang ilang party-list representatives, mga lokal na opisyal ng Baguio City, at marami pang iba.
Bahagi ng plataporma ni Pastor Apollo ang pagsugpo sa laganap na korapsiyon sa bansa sa pamamagitan ng pagtatatag ng Truth Commission, pagsasaayos sa problema ng kriminalidad, paglaban sa insurhensiya, at pagbibigay ng pantay na oportunidad para sa mga Pilipino anuman ang kanilang kultura at paniniwala.
