HINIHIKAYAT ni Pangulong Ferdinand R. Marcos, Jr. ang lahat ng government agencies at local government units (LGUs) na isagawa ang Community Development Week at Community Development Day para maitaguyod ang “bayanihan” na likas na ugali ng mga Pilipino.
Sa ilalim ng Memorandum Circular No. 41 na nilagdaan ni Executive Sec. Lucas Bersamin, ipinag-uutos sa Department of the Interior and Local Government (DILG) ang makipagtulungan sa mga non-government at people’s organizations para sa iba’t ibang aktibidad at programa para dito.
Batay sa Proclamation No. 316 series of 1994, ang unang linggo ng Enero at ang Enero 6 sa bawat taon bilang Community Development Week at Community Development Day.
Maliban sa pagtataguyod ng “bayanihan” ay kinikilala rin dito ang hindi matatawarang kontribusyon ng government at non-government organizations sa pagpapaunlad ng komunidad at iba pa.
