NAGSAGAWA ang Philippine Drug Enforcement Agency (PDEA) ng kauna-unahang Narcotics Detection Dogs (NDDs) Accreditation Conference.
Ang iminungkahing DDB Regulation ng PDEA sa Mandatory Registration of Private and Government Entities Providing Narcotics Detection Dog Services at Accreditation of Narcotics Detection Dogs ay inaprubahan sa 201st Regular Meeting ng Dangerous Drugs Board.
Kasama ng PDEA ang Dangerous Drugs Board, dumalo sa kumperensiya ang mga kinatawan mula sa iba’t ibang ahensiya ng gobyerno para sa mga gagawing pagsasanay at deployment ng mga NDD.
Kabilang dito ang EODK9, Armed Forces of the Philippines, Bureau of Jail Management and Penology (BJMP), Bureau of Corrections (BuCor), Philippine Ports Authority (PPA), Philippine Coast Guard (PCG), Bureau of Customs (BOC), at Bureau of Animal Industry (BAI).
Ayon kay PDEA Director General, Moro Virgilio Lazo, ang kalidad ng mga narcotics detection dogs at ang kanilang mga tagapangasiwa ng K9 ay kadalasang nagsasabi ng pagkakaiba sa pagitan ng matagumpay na pag-aresto at pag-agaw ng mga ilegal na droga, o pagkabigo at pag-uwi nang walang dala.
Tinitiyak ng pagpaparehistro at akreditasyon na ang kalidad ng mga K9 team ay nasa par with the best in the industry.
Aniya sa pag-apruba ng DDB Regulation on NDD Registration and Accreditation, ang PDEA ay makakapag-evaluate, makakapag-regulate at makakasiguro sa kalidad ng pagsasanay, mga training kit na ginamit, at mga kakayahan ng Narcotics Detection Dogs na napakahalagang asset sa pagsugpo sa illegal drug smuggling.
