NAGTAYO ng Peace and Development Program ang Department of Social Welfare and Development (DSWD) sa Bangsamoro.
Ang hakbang ay para mas maipatupad pa ang peace process sa rehiyon gaya ng pagbibigay ng social protection programs ayon kay DSWD Usec. Alan Tanjusay.
Kaugnay rito ay magkakaroon ng Regional Program Management Units sa Zamboanga Peninsula, Northern Mindanao at Davao Region para maayos na mai-monitor ang peace programs at initiatives.
Samantala, sa datos ng DSWD, sa ilalim ng peace agreement ay nabigyan na ng ahensiya ang nasa 26-K na Moro Islamic Liberation Front (MILF) combatant ng cash-for-work programs simula taong 2014.
