PORMAL nang umupo si Major General Stephen Parreño bilang Commanding General ng Philippine Air Force.
Ito ay bilang kapalit ni Lieutenant General Connor Anthony Canlas na nagretiro sa serbisyo sa militar ngayong araw, Disyembre 20.
Pinangunahan ni Pangulong Ferdinand “Bongbong” Marcos Jr. ang Change of Command at Retirement Ceremony sa Philippine Air Force Headquarters sa Villamor Air Base sa Pasay City.
Si Parreño ay miyembro ng Philippine Military Academy (PMA) “Sambisig” Class of 1991 at Philippine Air Force Flying School Class of 1993.
Natapos din ni Parreño ang kanyang General Staff Course sa Madrid, Spain.
Nagsilbi rin siya bilang Acting Vice Commander ng Philippine Air Force, Chief ng Air Staff at Chief ng Air Force Inspector General.
Malaki ang naging bahagi ni Parreño sa Air Mobility efforts noong Marawi Siege kung saan lumipad siya bilang Flight Commander ng C-130 flights.
