MULING tiniyak ng Pilipinas at Australia ang kanilang commitment sa planong “bilateral joint patrol” sa West Philippine Sea (WPS).
Ito ay kasabay ng pulong nina Defense Secretary Gilberto Teodoro, Jr. at Australian Deputy Prime Minister at Minister for Defence Richard Marles.
Nangyari ang pulong ng dalawang opisyal sa ALON 23 military exercise ng Armed Forces of the Philippines (AFP), Australian Defense Force (ADF) at United States Marine Corps (USMC).
Suportado nila ang pag-angat ng relasyon ng Pilipinas at Australia sa pagiging “strategic partners.”
Gayundin ang patuloy na pagtaguyod sa United Nations Convention on the Law of the Sea (UNCLOS) lalo na sa desisyon ng Arbitral Tribunal noong 2016 na pumapabor sa Pilipinas.
