PANAHON na upang gawing sports powerhouse ang Pilipinas.
Itoy dahil kung tutukan ang investment para dito ayon nina Probinsyano Party List Rep. Alfred De Los Santos at Manila Rep. Joel Chua, mas maiaangat pa ang medal harvests ng mga Pilipinong atleta mula sa ibat ibang kompetisyon gaya ng Olympics.
Sa katunayan, magandang ilagay ito sa ilalim ng economic sector o sa kategorya ng national development priorities gaya ng agrikultura, manufacturing, information technology at iba pa.
Komento ito ng dalawang mambabatas kasunod ng pagkapanalo ng Gilas Pilipinas kontra sa World no. 6 na Latvian team sa FIBA Olympic qualifying tournament.
