PASOK na para irepresenta ang Pilipinas sa 2024 Paris Games ang Pinay rower na si Joanie Delgaco.
Sa Asia Oceania Qualification Tournament sa Chungju, South Korea nitong Abril 1, 2024, nakuha ni Delgaco ang ika-apat na puwesto sa Top 5 na makakalaro sa Olympics.
Siya na ang kauna-unahang babaeng rower na makapaglaro sa Olympics.
Si Delgaco na rin ang ika-11 atleta na makakasali sa Paris Games kasama sina EJ Obiena, Carlos Yulo, Aleah Finnegan, Levi Jung-Ruivivar, Eumir Marcial, Nesthy Petecio, Aira Villegas, Vanessa Sarno, John Ceniza, at Elreen Ando.