DUMISTANSIYA si Philippine National Police (PNP) chief Police General Benjamin Acorda, Jr. sa kontrobersiyang kinasasangkutan ni dating PNP chief Police General Rodolfo Azurin, Jr.
Ito ay matapos umanong ipa-deport ng Canadian Immigration nang magtungo sa Canada.
Ayon kay Acorda, wala silang opisyal na dokumentong pinanghahawakan sa naturang insidente.
Mas mainam aniya kung ang Department of Foreign Affairs (DFA) o Bureau of Immigration (BI) ang magsasalita sa isyu.
Nauna nang itinanggi ni Azurin ang pagpapa-deport sa kaniya at sinabing kusang loob siyang bumalik sa Pilipinas mula Canada.
Inakusahan din nito si PNP deputy chief for administration Police Lieutenant General Rodel Sermonia na nasa likod umano ng pagkakalat ng kasinungalingan sa kaniya na itinanggi naman ng opisyal.
