KASABAY ng pagdiriwang ng Women’s Month, ay inilunsad ng PNP ang Project Aling Pulis Everywhere.
Pinangunahan ni Philippine National Police (PNP) Chief, P/Gen. Benjamin Acorda Jr. ang aktibidad sa lingguhang flag raising ceremony sa Kampo Krame ngayong umaga, Marso 4, 2024.
Magsisilbi ang mga ito na dagdag-puwersa sa komunidad lalo na sa pagkilala sa kapakanan, karapatan ng mga babae, at pagkakapantay-pantay o gender equality.
Ang mga babaeng pulis ang naatasang duminig at umaksiyon sa mga sumbong partikular na sa mga kaso ng pang-aabuso sa mga babae at bata sa pamamagitan ng Women and Children’s Protection Desk sa mga istasyon ng pulisya sa bansa.
Kaugnay rito, binigyang-parangal ng PNP ang 10 natatanging babaeng pulis na nagpakita ng katangi-tanging dedikasyon habang kanilang ginagampanan ang tungkulin bilang mga alagad ng batas.
