BUKOD sa pagkilala sa ambag ng Quezon province at ang munisipalidad nito na Dolores sa paglago ng coconut industry ng bansa, ipinagmalaki rin ni Senator Cynthia A. Villar ang ‘gains’ ng Coconut Levy Fund na kaniyang inakda.
Sa inauguration at blessing ng bagong Dolores City Hall, iginiit ni Villar na 80% ng mga residente rito ang nasa agriculture. Meron din silang livestock industry.
Pinasalamatan niya ang mga residente ng ‘agricultural municipality’ na ito at ng lalawigan sa pagiging ‘contributors’ sa production ng coconut.
Ang Quezon ang pinakamalaking coconut-producing province sa Pilipinas.
Ipinahayag ng chairperson ng Senate Committee on Agriculture and Food, na inaakda at ini-isponsor niya ang mga panukalang batas para mapaunlad ang coconut industry at maiangat ang kabuhayan ng mga Pilipinong magsasaka at shareholders.
Masaya niyang ipinahayag ang paglagda ni dating Pangulong Rodrigo Roa Duterte sa Republic Act No. 11524 o “Coconut Farmers and Industry Trust Fund Act.”
Tinitiyak ng batas sa Coconut Farmers and Industry Trust Fund (CFITF) ang P80 bilyong pondo sa susunod na limang taon. Mabibiyayaan nito ang 2.5 milyong coconut farmers at ang coconut industry.
“The law also mandated for the preparation of the CFIDP, which shall set the directions and policies for the development and rehabilitation of the coconut industry within 50 years,” dagdag pa ng senador.
Aniya, naaayon sa formulated plan ang paggamit ng Trust Fund. Alinsunod din ito sa taunang alokasyon ng Trust Fund na itinatakda ng batas gaya ng mga sumusunod:
(a) 20% sa development ng hybrid coconut seed farms at nursery planting at replanting kung saan 15% ang ipatutupad ng PCA at 5% ng DOST-PCAARRD para sa research;
(b) 8% sa training ng mga magsasaka at kanilang farmers na ipatutupad ng ATI at TESDA;
(c) 5% sa research, marketing, at promotion na ipatutupad ng DTI;
(d) 4% sa Crop Insurance na ipatutupad ng Philippine Crop Insurance Corp.;
(e) 10% sa Farm improvements sa pamamagitan ng diversification at intercropping na may livestock, dairy, poultry, coffee, at cacao production na ipatutupad ng BAI-DA; NDA at DA High-Value Crop program.
(f) 10% sa Shared facilities para sa processing na ipatutupad ng Philmech;
(g) 5% sa Organizing at empowerment ng coconut farmer organizations at cooperatives na ipatutupad ng CDA;
(h) 10% sa Credit programs sa pamamagitan ng DBP at LBP;
(i) 10% sa Infrastructure Development na ipatutupad ng DPWH;
(j) 8% sa College Scholarship program para sa mga magsasaka at kanilang pamilya na ipatutupad ng CHED;
(k) 10% sa Health and medical program para sa mga magsasaka at kanilang pamilya na ipatutupad ng PCA.
“This marked the fulfillment of ex-President Duterte’s promise to return the coco levy funds to their true and rightful owners – the coconut farmers,” ayon Villar.
Kinilala rin ng senador, chairperson ng Senate committee on environment, ang magandang bayan ng Dolores na nasa paanan ng Mount Banahaw.
“You have beautiful rivers, lakes, and waterfalls,” sabi ni Villar.
Kumpiyansa si Villar, na maisusulong ni Dolores Mayor Orlan Calayag, na may malakas na background sa agriculture, ang pag-unlad ng coconut industry sa kaniyang lugar.
“For Mayor Orlan, the slogan an “UNLAD Dolores” is not just a mere slogan but a commitment he intends to fulfill,” ani Villar.
