LUMAGDA sa kasunduan ang Technical Education and Skills Development Authority (TESDA) at Early Childhood Care and Development (ECCD) Council upang tiyakin ang de-kalidad na pagsasanay ng mga Child Development Worker (CDW) para sa kapakanan ng mga kabataang Pilipino.
Sa ilalim ng Joint Memorandum Circular (JMC), pormal na inaprubahan ang National Certificate III na magbibigay ng standardized training at assessment sa mga CDW alinsunod sa TESDA Training Regulations.
Batay sa datos ng Education Commission (EdCom) 2, mahigit 17% ng 68,000 CDW ang may high school diploma lamang, habang 89% sa kanila ay nasa kontraktuwal na kalagayan na may mababang sahod na P5,000 kada buwan.
Binigyang-diin ni Sen. Sherwin Gatchalian, co-chairperson ng EDCOM 2, ang kahalagahan ng inisyatibong ito upang mapaunlad ang kanilang propesyonalismo at mapabuti ang kalidad at pagbibigay ng mga programa at serbisyo ng Early Childhood Care and Development.
Dagdag pa niya, sa pagbibigay ng tamang kagamitan, pagsasanay, at nararapat na kompensasyon, mas magiging epektibo sila sa pagtupad ng kanilang tungkulin upang patatagin ang pundasyon ng pagkatuto ng ating mga kabataan.
“The upskilling and reskilling of our CDWs are crucial to boost their professionalization, and improve the delivery and quality of ECCD programs and services.”
“By giving our CDWs the right tools, training, and compensation, we can help them become more effective in performing their duties to strengthen the foundations of our learners,” saad ni Sen. Sherwin Gatchalian.
Naglaan din ng P80M sa ilalim ng 2025 General Appropriations Act para sa NC III training scholarships, habang isinulong din ang ECCD System Act (RA 12199) na nagtatakda ng mas mataas na pamantayan at benepisyo para sa mga CDW at Child Development Teachers.
Ayon naman kay TESDA Secretary Kiko Benitez, mahalagang mabigyan ng sapat na pagsasanay at suporta ang mga CDW upang matiyak ang de-kalidad na serbisyo sa early childhood care ng mga batang Pilipino.
“Our youngest learners need immense help and support to achieve their potential. The CDWs play a critical role in that process. Through this JMC, parents and guardians can be confident that we will have competent CDWs in our child care centers,” wika ni Sec. Kiko Benitez, TESDA.
Para naman kay Rep. Roman Romulo, Co-Chairperson ng EdCom 2, hindi aniya malulutas ang krisis sa pagkatuto kung hindi palalakasin ang pundasyon ng mga Child Development Worker.
Malaki aniya ang kanilang ginagampanang papel sa paghubog ng susunod na henerasyon at ang pagbibigay ng mas mataas na antas ng pagsasanay, mga sistemang sumusuporta, at mga oportunidad para sa kanilang propesyonal na pag-unlad para sa kabuuang pag-unlad ng mga kabataang mamamayan.
“As I have stated before, we cannot solve the learning crisis without first strengthening its foundation. And the CDWs are at the frontlines. They play a vital role in shaping future generations. Empowering our CDWs through enhanced training, support systems, and professional growth opportunities is an investment in the holistic development of our youngest citizens,” pahayag ni Rep. Roman Romula, Co-Chairperson, EdCom 2.
