NASA Cambodia ngayon si Vice President at Education Secretary Sara Duterte para gampanan ang kaniyang tungkulin bilang pangulo ng Southeast Asian Ministers of Education Organization (SEAMEO).
Ilan sa aktibidad ni VP Sara ngayong Huwebes, Marso 21, 2024 ay ang pakikipagkita sa Cambodian Deputy Prime Minister at Minister of Education, Youth and Sport.
Bibisitahin din ng pangalawang pangulo ang SEAMEO Regional Center for Technical Education Development at ilang mga paaralan sa Cambodia.
Inaasahan din na makikipagkita ito sa Filipino community leaders doon.
