ITINALAGA bilang bagong hepe ng Western Mindanao Command (WesMinCom) ng Armed Forces of the Philippines (AFP) si Philippine Army (PA) Vice Commander Steve Crespillo.
Pinalitan ni Major General Crespillo ang nabakanteng posisyon ni Lieutenant General Roy Galido matapos naitalaga naman ito bilang bagong commanding general ng Philippine Army.
Si Crespillo ay dati nang hepe ng Unified Command staff ng WesMinCom na naatasang mag-monitor sa operasyon sa Zamboanga Peninsula, Northern Mindanao at Bangsamoro Autonomous Region in Muslim Mindanao (BARMM).
Dati na ring Commander ng 501st Infantry Brigade si Crespillo; Chief of Staff at Assistant Division Commander ng Reservist at Retiree Affairs ng 6th Infantry Division; at Acting Commander ng 601st Infantry Brigade.
