INIHAYAG ni Quezon City Police District (QCPD) Director, PBGen Redrico A. Maranan ang makabuluhang tagumpay sa pinaigting na kampanya ng QCPD laban sa loose firearms.
Sa kasalukuyan ay may kabuuang 96 na operasyon ang isinagawa, na nagresulta sa pagkakaaresto ng 98 indibidwal ng iba’t ibang istasyon ng pulisya at yunit sa loob ng QCPD.
Ang mga operasyong ito ay humantong sa pagkakakumpiska ng kabuuang 105 na baril.
Ang operasyon ay pinangunahan ng Payatas Bagong Silangan Police Station (PS 13), na nakakumpiska ng 14 na baril.
Ang Novaliches Police Station (PS 4) naman sa ilalim ni PLtCol. Reynaldo Vitto ay nakasamsam ng 11 baril, habang ang La Loma Police Station (PS 1) sa ilalim ng PLtCol. Romil Avenido ay nakakumpiska ng 10 na baril sa ilalim ng PLtCol. Rolling Saw na parehong nakumpiska ng 9 na baril.
Panghuli, ang Project 6 Police Station 15 sa ilalim ng PLtCol. Richard Mepania ay nag-ambag sa pagsisikap sa pagkakakumpiska ng 8 baril.
Ang matagumpay na operasyong ito ay binibigyang-diin ang dedikasyon ng QCPD sa pagtiyak ng kaligtasan at seguridad ng mga residente ng Quezon City.
Binigyang-diin ni PBGen. Maranan ang kahalagahan ng mga tagumpay na ito.
Aniya pagkumpiska ng mga baril na ito ay binibigyang-diin ang hindi natitinag na pangako na puksain ang mga ilegal na baril sa mga lugar ng komunidad at tiyakin ang kaligtasan at seguridad ng mga kapwa residente ng Quezon City.
Nananatiling aniyang matatag ang QCPD sa misyon na itaguyod ang batas at protektahan ang publiko.
