HINULI ng mga tauhan ng PNP Anti-Cybercrime Group (ACG) ang mga operator ng online raffle sa Brgy. Tenejero, Balanga City, Bataan.
Ito ay matapos ang matagumpay na pagpapatupad ng warrant to search seize examine computer data ng pulisya.
Ayon kay PNP ACG spokesperson Police Captain Michelle Sabino, kinilala ang mga nahuli na sina Mark Kevin Borbon Andrade, Jeffrey Gatbonton Siron, Cedric Oneal Obordo, at Adrian Gregorio Diaz.
Gayundin sina Jerele Bautista Javier, Jedrick Ambrosio Siron, Leopoldo Baluyot Medina Jr., at John Daniel Calubayan.
Nahuli sa akto ang mga suspek na nagsasagawa ng online raffle habang naka-livestream.
Nasamsam sa operasyon ng ACG ang isang airmix tambiolo, 4 sets ng plastic balls na may mga numero, at samu’t saring computer at electronic equipment.
