PORMAL nang umupo si Major General Roy Galido bilang bagong commander ng AFP Western Mindanao Command (WestMinCom).
Pinalitan ni Galido ang kanyang mistah na si Major General Arturo Rojas sa change of command ceremony na pinangunahan ni AFP chief of staff General Andres Centino sa WestMinCom Gymnasium, Upper Calarian, Zamboanga City.
Si Rojas ay itinalaga bilang bagong commander ng AFP Special Operations Command sa Fort Magsaysay, Cabanatuan City.
Bago naman maitalaga sa pwesto, si Galido ay commander ng 6th Infantry Division ng Philippine Army sa Awang, Datu Odin Sinsuat, Maguindanao.
Sina Galido at Rojas ay miyembro ng Philippine Military Academy (PMA) “Bigkis-Lahi” Class of 1990.
