PORMAL nang itinalaga ng Armed Forces of the Philippines (AFP) si BGen. Eric Macaambac ng PN(M) bilang bagong Joint Task Force National Capital Region (JTF-NCR) Commander.
Ang change of command ceremony ay pinangunahan ni AFP Chief of Staff, General Romeo Brawner jr. sa Camp Aguinaldo sa Quezon City.
Bago ito, si BGen. Macaambac ay nagsilbi bilang 28th Commander ng 1st Marine Brigade ng Philippine Marine Corps at naging kumander ng Naval Task Group Central ng Joint Task Force Central ng Western Mindanao Command.
Kaugnay rito pinuri naman ni General Brawner si outgoing commander na si MGen. Larida sa kaniyang dedikasyon sa serbisyo at naging kontribusyon nito sa JTF-NCR.
