DADAGDAGAN pa rin ng Department of Transportation (DOTr) ang mga bus sa EDSA busway at mga tren sa Metro Rail Transit (MRT-3).
Sa kabila ito ng pagpapaliban muna sa planong EDSA rehabilitation.
Sa anunsiyo ng DOTr, 100 na EDSA carousel bus ang idadagdag upang mas mapagsilbihan ang mga pasahero.
Hinggil naman sa pagpapaliban ng EDSA rehab, sinabi ni DOTr Sec. Vince Dizon na gusto ng Palasyo na suriin ang mga traffic management protocol upang mas maintindihan ito ng publiko sakaling tuluyan na itong maipatupad.
