MAGKAKAROON muli ng joint ventures ang Department of Education (DepEd) at Department of Public Works and Highways (DPWH) sa pagtatayo ng school buildings.
Layunin ng DepEd na magpapatayo ng mas maraming mga pasilidad ng mga paaralan sa buong bansa.
Kaugnay nito ayon kay DepEd Usec. Epimaco Densing III, ibabalik nila ang joint ventures kasama ang DPWH.
Sa pamamagitan ng joint venture ay mas mapapabilis ang pagtatayo ng mga pasilidad na kakailanganin.
Tiniyak naman ng DPWH na handa silang makiisa rito at tugunan ang nakaplanong proyekto ng DepEd para sa mga kabataan.
