NANAWAGAN mismo si House Speaker Martin Romualdez sa Filipino-Chinese business community na tulungan sila sa pamahalaan na lumikha ng maraming trabaho.
Ayon kay Romualdez, ito’y para hindi na mag-abroad pa ang ating mga kababayan para kumita.
Sa harap ng Federation of Filipino Chinese Chambers of Commerce and Industry 33rd Biennial convention sa Manila Hotel, giit ng lider ng Kamara na ginagawa nila ang lahat sa Kongreso para mapaangat ang business climate sa bansa.
Kabilang dito ang pagpasa sa mga mahahalagang panukala gaya ng Guide Bill at Pag-asenso Act na papabor sa maliliit na negosyante.
Pati na ang pagsusulong sa Maharlika Investment Fund Act o ang sariling sovereign wealth fund ng bansa.
“These are just some of the initiatives we are undertaking at the House of Representatives. Make no mistake about it: We are committed to bringing about a brighter future for Filipinos, and providing real, pragmatic solutions to many of the development problems that we face,” ani Romualdez.
Dahil dito, patuloy silang nanawagan ng pagkakaisa sa Kamara para maabot ang mithiin ng pamahalaan na kaunlaran.
