DAPAT na agad-tugunan ng gobyerno ng Pilipinas ang mga kinakaharap na suliranin ng mga Pilipino gaya ng kagutuman at mataas na presyo ng mga bilihin.
Ito ang binigyang-diin ni dating Chief Presidential Legal Counsel Atty. Salvador Panelo kasunod ng tila kaliwa’t kanang pang-uusig at walang katapusang imbestigasyon ng administrasyon upang pagtakpan ang tunay na problema ng bansa.
Kinuwestiyon naman ni Panelo ang mga naiuwing pledges ni Pangulong Ferdinand R. Marcos Jr. na wala naman sana aniyang problema kung mayroong nakikitang resulta mula rito ang publiko.
Simula nang makaupo sa puwesto ang Pangulo, ay mayroon na ito ngayong 24 international trips sa 17 bansa hanggang sa ngayon.
