IPINAGMAMALAKI ng lalawigan ng Tarlac ang magaganda at nagkikislapang Christmas attraction sa lugar na dinarayo hindi lamang ng ating mga kababayan kundi maging ng iba’t ibang lahi.
Kaya naman, binisita ng European Ambassadors ang nakamamanghang Belenismo at mga Christmas attraction na ipinagmamalaki sa lalawigan ng Tarlac kung saan ramdam na ramdam na ang tunay na diwa ng Pasko na lubos nilang hinangaan.
“This is special, I mean I come from Finland, I’m the Ambassador of Finland and we don’t actually have this in my country so this is absolutely beautiful, interesting and I appreciate so many people put so much energy and time into building this beautiful things for others so real Christmas spirit.”
“It is seen the culture in our district, talent of the people of Tarlac.” ayon kay Mr. Juha Pyykkö, Ambassador of Finland.
“The most amazing things I’ve ever seen is the Belen, that is something I like which is from the armed forces which is fantastic but also smaller ones. I think it brings people into the spirit of Christmas, it also use that to share the goodness in the world which is not too much available this days so, it’s a wonderful opportunity to have us here, we are very grateful. All the Austrians out there, this is the place you have to go before Christmas, go to Tarlac and see the Belen, it’s the most wonderful thing,” ayon kay Johann Brieger, Ambassador of Austria.
Ayon naman kay Doña Isabel Suntay, founder ng Tarlac Heritage Foundation, ang Belenismo at nagniningning na mga Christmas attraction sa Tarlac ay isa sa mga maipagmamalaki ng bansa.
“In other countries, it is not celebrated as it should be whereas in the Philippines this is something which is to be proud of, something for us to be proud of and this is the Belen Capital of the Philippines,” ayon kay Doña Isabel Cojuangco Suntay, Founder, Tarlac Heritage Foundation.
Ipinagmamalaki naman ni Mayor Cristy Angeles ng Tarlac City, Tarlac ang talentong ipinamalas ng mga residente ng lalawigan na inilaan para sa taumbayan upang ipadama ang Kapaskuhan.
Lubos din ang kasiyahan ni Mayor Cristy sa paglalaan ng oras ng mga European Ambassador na bisitahin ang Christmas attraction sa lugar.
“Proud kasi talent ito ng mga taga-Tarlac City, lahat ng nakikita ninyong magaganda po dito, collaborative team effort po ito ng ating mga iba’t ibang mga personnel dito sa city hall from the engineers to our architects, to our designers, construction workers, sila po, kami po ang gumawa nito para sa taumbayan. Masaya po ako at may mga bisita tayo, mga European ambassador who took the time to para makarating dito para makita naman nila kung ano ang meron natin na we are very proud, Tarlac City is part of the Belenismo ng buong lalawigan,” ayon kay Mayor Cristy Angeles, Tarlac City, Tarlac.
Dahil dito, hinihikayat din ng alkalde ang taumbayan na bisitahin at pasyalan ang Belenismo sa Tarlac.
“Sa lahat po ng ating mga kababayan, welcome po, please pasyal po kayo dito sa ating Belenismo dito, ang dami-dami pong attraction na makikita ninyo, something na pag-uwi niyo memories will bring you home when you go home, you’ll bring back with you happy memories ng Belenismo at Christmas season natin dito sa Tarlac City Plaza,” dagdag ni Mayor Angeles.
Samantala, ilang araw na lang magPapasko na kung kaya huwag magpahuling bisitahin ang ipinagmamalaki ng mga Tarlaqueño at tuklasin ang husay ng talentong Pinoy.
