SA paglawak ng mga nagaganap na opresyon ng kasalukuyang administration, iba’t ibang sektor na ang nagsama-sama sa panawagang makiisa ang Armed Forces of the Philippines (AFP) at Philippine National Police (PNP) sa taumbayan at hindi sa mga nasa kapangyarihan.
“During the Marcos Sr. administration nabuhay ang MNLF, nagkaroon ng resistance para mapigilan ang pagsusupil ng gobyerno lalong lalo na sa Moro territories, mas complicated ito mas worst ang nangyayari sa Jr.“ pahayag ni Aziz Monk Olamit – State Chairman, MNLF Davao
Isa lamang si Aziz Monk Olamit, MNLF Davao State Chairman sa marami pang sektor ng lipunan sa bansa ang tila ‘di na makatiis sa pang-aabuso ng kapangyarihan ng kasalukuyang administrasyon.
Halimbawa na lamang aniya dito ang pagpapa-relieve ng halos 40 Davao Police personnel at pagde-deploy ng dalawang batalyong SAF troopers isang linggo na ang nakakaraan.
“Braso na to, either this is a political or a personal vendeta or cleansing politically to erase the Duterte in this coming election,” dagdag ni Olamit.
Sinabi naman ng law expert na si Atty. Mark Tolentino, dapat may clearance mula sa alkalde ng isang bayan o siyudad ang ganitong hakbang ng PNP.
“Under the law kasi Ka Eric, ‘yung mayor dapat may consent kung sino ‘yung maging leaders ng kapulisan sa kaniyang bayan, so very clear ‘yan. So pag-deploy ng dalawang batalyon, kailangan with a clearance ng elected, meaning the mayor ng Davao kasi siya ang representative ng taumbayan,” saad ni Atty. Mark Tolentino – Law Expert.
Dagdag pa ni Tolentino, dapat ay may malinaw rin aniyang basehan ang pagde-deploy ng dalawang batalyong SAF troopers.
“May threat ba diyan sa Davao, may violence ba, may panggugulo ba? Kung wala anong basehan?
“Hindi pwede nating ma-deny na papunta ‘yan sa away ni Duterte at Marcos, that’s why ‘yung spokesman ng PNP, ang masasabi ko lang, tell that to the marines,” diin ni Tolentino.
Pakiusap naman ni Ka Nick Elman na dating Kilusang Mayo Uno (KMU) spokesperson ng Marcos Sr. administration,
“Sa bahagi naman ng mga military at mga pulis, pakiusap ko lang na gusto natin ng kapayapaan, gusto natin ng pagbabago, ayaw natin ng bloodshed.”
“Noong panahon ni Digong President Mayor Duterte, ang unang unang kaniyang inisip ay kung papaano tulungan ang military at binigyan ng sapat at karampatang sweldo at benepisyo pati pulis kasama, so makikita mo sincerity ni President Digong kung papano niya gustong mahalin ang ating bansa,” pahayag ni Ka Nick Elman – Anti Marcos Labour Leader | Former Spokesperson, KMU.
Dagdag pa ni Ka Nick, ang natatanging pag-asa na lamang para maipagpatuloy ang magandang pamamahala ng gobyerno ay hindi ang kasalukuyang mga politiko, kundi ang mga militar, kapulisan at mga Pilipinong magkakaisa sa layuning ipagpatuloy ang magandang sinimulan ng Duterte administration.
“At gusto natin mailigtas ang ating bansa laban sa kapangyarihan ng mga dayuhang oligarko at dayuhang may kapangyarihan sa buong mundo, with all due respect yes,” dagdag naman ni Ka Nick Elman.
