KINUMPIRMA ng Department of Justice (DOJ) na pinoproseso na ng National Central Bureau ng Timor-Leste ang deportation proceeding para maibalik sa Pilipinas si Dating Negros Oriental 3rd Dist., Cong. Arnolfo Teves Jr.
Ito’y matapos siyang maaresto sa Dili, East Timor, 4:00 pm, Huwebes, Marso 21, 2024 habang naglalaro ng golf sa Top Golf Driving Range and Bar.
Inaresto si Teves sa pagtutulungan ng International Police, National Central Bureau at East Timor Police.
Magugunitang si Teves ay nahaharap sa kasong multiple murder kaugnay sa pagpatay kay Negros Oriental Gov. Roel Degamo at limang iba pa noong Marso 2023 kaya nailista siya sa Red Notice ng International Criminal Police Organization (INTERPOL).
