NAGTIPON-TIPON ang mga tagasuporta ni dating Pangulong Rodrigo Roa Duterte sa Lungsod ng Cagayan de Oro para sa isang espesyal na event na tinawag na ‘Pagpupugay para kay Tatay Digong: Kapayapaan at Pagkakaisa Concert’ noong gabi ng March 24.
Ang konsyertong ito ay isang pagtitipon ng mga Duterte supporters na nagbigay pugay sa lider at sa kanyang mga nagawa para sa bansa, pati na rin ang pagpapakita ng kanilang patuloy na suporta sa mga layunin ng dating Pangulo.
Ang aktibidad ay dinaluhan din ni Atty. Jimmy Bondoc, isang senatorial candidate mula sa partido ng PDP-Laban, na siyang naging guest speaker sa nasabing pagtitipon.
Pinuri ni Bondoc ang mga tagasuporta ni Duterte at ang mga tagumpay na naabot ng administrasyon nito, lalo na ang mga hakbang na ginawa laban sa kriminalidad at iligal na droga, pati na rin ang pagpapalakas ng pambansang kaayusan.
Habang ipinagdiwang ang mga tagumpay ni Duterte, ang mga dumalo sa event ay nagsalubong ng masigabong palakpakan at sigawan, na nagpatunay ng kanilang walang sawang dedikasyon at pagmamahal sa dating Pangulo. Ang konsyertong ito ay nagbigay din ng pagkakataon upang ipakita ang diwa ng pagkakaisa at kapayapaan, mga prinsipyo na itinuturing na napakahalaga para sa mga Duterte supporters.
