MAG-aangkat ang Pilipinas ng bigas upang magkakaroon pa rin ng sapat na suplay sa kabila ng pinsalang dulot ng sunud-sunod na mga bagyo sa sektor ng agrikultura.
Sa ngayon ayon kay Pangulong Bongbong Marcos, wala pang dapat ikabahala sa suplay ngunit upang maiwasan ang karagdagang problema ay mag-aangkat na lalo’t marami na aniyang nasirang palayan.
Maaaring hanggang 4.5 milyong tonelada ng bigas ang aangkatin ng pamahalaan.
Simula Oktubre 24 hanggang Nobyembre 18 ay anim na bagyo na ang sunud-sunod na bumisita sa Pilipinas.
